Helleborus orientalis

Ættkvísl

Nafn

orientalis

Ssp./var

ssp. orientalis

Íslenskt nafn

Ætt

Sóleyjarætt (Ranunculaceae).

Lífsform

Sígræn, fjölær jurt.

Kjörlendi

Hálfskuggi (sól).

Blómalitur

Rjómahvítur, verður purpura-grænn.

Blómgunartími

Vetur-snemma vors.

Hæð

30-45 sm

Vaxtarlag

Fjölæringur allt að 45 sm hár, jarðstönglar grófir, grunnlauf lifa af veturinn, leðurkennd, djúpgræn fingruð með heilrendan miðflipa, hliðarflipar skiptast í 7-9 oddbaugótta eða öfuglensulaga flipa, allt að 25 x 11 sm, jaðrar gróftenntir. Laufleggir allt að 36 sm, grænir eða með purpura slikju.

Lýsing

Blómskipunin allt að 35 sm, greinótt, blóm 1-4, álút eða vita út á við, skállaga, 6-7 sm í þvermál, hvít til rjómalit eða rjómalit-græn, með purpura slikju eða bleik einkum neðantil eða í miðjunni að lokum græn eða purpuragræn eftir að plantan hefur frjóvgast. Blómahlífarflipar skarast, breiðegglaga eða oddbaugótt, snubbótt eða stutt-odddregin. Hunangskirtlar með legg, breið-trektlaga, grænir. Fræflar allt að 3,5 mm, frævur 4-7, ekki samvaxnar. Fræhýði allt að 2,5 sm. Fræ dökkbrún, eða mattsvört, gárótt. egglaga-lensulaga, tvísagtenntir með hvössum tönnum

Uppruni

NA Grikkland, N & NA Tyrkland, Kákasus.

Harka

6

Heimildir

= 1

Fjölgun

Skipting, sáning.

Notkun/nytjar

Sem undirgróður í trjá- og runnabeðum, í fjölæringabeð.

Reynsla

Helleborus x hybridus 'Atrorubens' í bók Hólmfríðar Sigurðardóttur er sennilega Helleborus orientalis 'Early Purple' skv. RHS með dökkrauðum blómum. Þetta yrki hefur verið flutt inn af Garðyrkjufélagi Íslands og þá gengið undir nafninu Páskarós.

Yrki og undirteg.

Mikill fjöldi yrkja er í ræktun erlendis sem vert væri að reyna hér.