Hypericum orientale

Ættkvísl

Hypericum

Nafn

orientale

Íslenskt nafn

Tyrkjagullrunni

Ætt

Gullrunnaætt (Hypericaceae).

Lífsform

Fjölær jurt.

Kjörlendi

Sól.

Blómalitur

Gulur.

Blómgunartími

Ágúst-september.

Hæð

7-45 sm

Vaxtarlag

Fjölær jurt, 7-45 sm há, ekki með svarta kirtla. Stönglar uppréttir eða útafliggjandi, stundum rótskeyttir. Lauf 10-40 x 2-10 mm, legglaus, mjóaflöng eða oddbaugótt-aflöng til öfuglensulaga eða bandlaga, bogadregin í oddinn eða sljóydd, jaðrar með gullgulyddar kirtiltennur eða eru kirtil-randhærð, grunnur fleyglaga, ögn ljósari neðan, ekki bláleit, þykk-pappírskennd, æðamynstrið ekki netæðótt, jaðrar eyrnablaða með kirtila.

Lýsing

Blóm 1,5-3 sm í þvermál, stjörnulaga, 1-ca17, vaxa frá 1-4 stöngulliðum, eru í hálfsveip eða stuttri, sívalri blómskipun. Bikarblöð 6-8 mm, aflöng-öfuglensulaga, fræflar 0,6x krónublöðin, fræflarnir 3 og 3 saman í knippum. Stílar 3 talsins, 8-10 mm, 2-3,3x egglegið, ekki samvaxnir, útstæðir. Olíukirtlar á fræhýði bandlaga.

Uppruni

Tyrkland (V & N Anatolia) Rúaaland (A Georgia, V Azerbajan).

Harka

Heimildir

= 1

Fjölgun

Skipting, sáninga að vorinu.

Notkun/nytjar

Í beð, í steinhæðir, í hleðslur, í kanta.

Reynsla

REYNSLA. Í Lystigarðinum eru til tvær plöntur sem sáð var til 2010 og gróðursettar í beð 2011, báðar þrífast vel.