Lilium kelloggii

Ættkvísl

Nafn

kelloggii

Íslenskt nafn

Ætt

Liljuætt (Liliaceae).

Lífsform

Fjölæringur og laukplanta.

Kjörlendi

Hálfskuggi undir trjám.

Blómalitur

Ljóspurpura-bleikur eða hvítur og með dökkpurpura doppur.

Blómgunartími

Ágúst-september.

Hæð

30-130 sm

Vaxtarlag

Uppréttir, laufóttir stönglar.

Lýsing

Stönglar 30-130 sm. Laukar 5×4 sm, sammiðja, aflangur geta orðið allt að 7,5 sm langir, hreistur 5×1 sm, hvít, lensulaga. Lauf allt að 10×2 sm, í krönsum með 12 lauf eða allt að 40 laufum í kransi, legglaus, lensulaga eða öfuglensulaga, ydd, 1-3 tauga. Blómklasar opnir, sjaldan með 1 ilmandi blóm, oftast allt að 20, stór, falleg blóm, stundum með fá blóm í fölskum sveip. Blómleggir 3,5 sm langir, grannir, með laufkennd stoðblöð. Blóm drúpandi, túrbanlaga, ilma, allt að 5 sm löng, rjómalit til bleik, verða purpura með aldrinum. Blómhlífarblöð 6, 5,5×1 sm, baksveigð, ljóspurpura-bleik eða hvít og með dökkpurpura doppur og gula miðrák að grunni. Fræflar eru 6 með rauða frjóhnappa allt að 1,4 sm langa. Frjóhnappar og frjó appelsínulit. Frævan getur orðið meira en 4 sm löng. Fræni grænt. Aldin 5×2 sm, fræ 5 mm.

Uppruni

Klamath fjöll, N-Ameríka.

Harka

5

Heimildir

= 1, Jelitto, L and Wilhelm Schacht 1990 Hardy Herbaceous Perennials. I &II. third ed. London. http://www.answers.com

Fjölgun

Með fræjum.

Notkun/nytjar

Sjaldséð í ræktun og erfitt að rækta.

Reynsla

Var sáð í Lystigarðinum 1992, dó í sólreit 1996.

Útbreiðsla

AÐRAR UPPLÝSINGAR:Lilium kelloggii vex í skógum og er endemísk í Klamath fjöllum í N Kaliforníu og S Oregon, USA.