Lonicera japonica

Ættkvísl

Nafn

japonica

Íslenskt nafn

Ætt

Geitblaðsætt (Caprifoliaceae).

Lífsform

Hálfsígrænn, klifrandi runni

Kjörlendi

Sól.

Blómalitur

Hvítur, verður bleikur.

Blómgunartími

Vor-sumar.

Hæð

2,5-4 (-5) m langur.

Vaxtarlag

Klifrandi sígrænn til hálf-sígrænn kröftugur runni. Greinar sívalar, íholar, kirtilhærðar, áberandi með útstæð dúnhár þegar þær eru ungar.

Lýsing

Lauf 8 × 3 sm, aflöng eða egglaga oddbaugótt, hvassydd eða snubbótt, broddydd, venjulega bogadregin við grunninn, heilrend, oft með bogamyndaðar skerðingar þegar þau eru ung, ljósgræn neðan, með löng mjúk hár, ullhærð, jaðrar randhærðir, laufleggir allt að 8 mm langir. Blómin hvít, verða bleik og seinna gul, tvö og tvö saman, ilma mikið blómleggir allt að 1 sm, stoðblöð líkjast laufblöðum, egglaga allt að 2 sm, smástoðblöð 1 mm, oddbaugótt, með löng, bein hár. Bikarpípa, hárlaus, bikarblöð 1 mm, egglaga randhærð,króna allt að 4 mm, með tvær varir, mjúkdúnhærð, utan, pípan mjó. Berin allt að 7 mm í þvermál, blásvört, ekki samvaxin.

Uppruni

Japan, Kórea Mansjúría, Kína.

Harka

4

Heimildir

1, http://plants.ifas.ufl.edu, http://www.pfaf.org

Reynsla

Ekki til í Lystigarðinum.

Yrki og undirteg.

v. repens (Sieb.) Rehd. Leggir stundum dumbrauðir. Laufin verða fljótt hárlaus, oft djúpflipótt, greinilega purpuralit á æðastrengjunum á neðra borði. Blómin hvít, verða gul, efri vörin flipótt. ε