Meconopsis horridula

Ættkvísl

Nafn

horridula

Íslenskt nafn

Ætt

Draumsóleyjarætt (Papaveraceae).

Lífsform

Tvíær jurt eða skammlíf fjölær jurt.

Kjörlendi

Sól, hálfskuggi.

Blómalitur

Kóbaltblár, fjólublár, hvítur.

Blómgunartími

Júlí-ágúst.

Hæð

60-80 sm

Vaxtarlag

Skammlíf fjölær jurt, allt að 80 sm há. Stönglar þornhærðir með langæan lauflegg við grunninn.

Lýsing

Lauf í blaðhvirfingum og neðstu stöngullauf oddbaugótt til mjó öfugegglaga, snögg- og hvassydd, mjókka hægt að leggnum við grunninn, heilrend eða bugðótt, allt að 25 x 3 sm, grágræn með purpura eða gula þyrnihár yfir alla blöðkuna, efstu laufin legglaus, þau allra efstu mjög smá. Blómin 1-2, álút, á axlastæðum blómleggjum allt að 22,5 sm, þakin þéttum þyrnóttum þyrnihárum. Krónublöðin 4-8, egglaga til næstum kringlótt, með smáar tennur við oddinn, 4 x 3 sm, kóbaltblá til fjólublá eða hvít. Frjóhnappar gulbrúnir, verða dökkgráir. Aldin sporvala-aflöng eað hálfhnöttótt, þakin þéttum útstæðum, þétt aðlægum þornhárum, opnast með 4-9 topplokum.

Uppruni

Himalaja - V Kína.

Harka

6

Heimildir

= 1

Fjölgun

Taka til handargagns sjálfsánar plöntur, safna fræi og sá því.

Notkun/nytjar

Sem undirgróður, í skrautblómabeð.

Reynsla

Harðgerð, þrífst vel á Akureyri. Hefur verið af og til í Lystigarðinum.