Mertensia sibirica

Ættkvísl

Nafn

sibirica

Íslenskt nafn

Ætt

Munablómaætt (Boraginaceae).

Samheiti

Pulmonaria sibirica L.

Lífsform

Fjölær jurt.

Kjörlendi

Sól, hálfskuggi.

Blómalitur

Blápurpura.

Blómgunartími

Júní-júlí.

Hæð

50-80 sm

Vaxtarlag

Jarðstönglar liggja þversum í jarðveginum. Stönglar oftast stakir, 30-60 sm háir, hárlausir, greiptir, aðeins blómskipunin er greinótt.

Lýsing

Grunnlauf með 25 sm langan legg, blaðkan egglaga til egglaga-aflöng, allt að 20 sm, kjötkennd, bláleit en með hvelfda depla á neðra borði, breiðfleyglaga eða ögn hjartalaga, stuttydd, hliðastrengir bogaformaðir, upphleyptir á neðra borði, legglauf legglaus, oddbaugótt til bandlaga-aflöng, 3-7 x 1-1,2 sm, grunnur mjókkar smám saman, oddur hvassyddur eða langyddur. Blómskúfar oftast 2 eða 3, endastæðir, fara að líkjast punti með aldrinum, 6-8 sm, hárlausir, blómfáir, aðalgreinin bogin. Blómleggur 2-7 mm, oftast sveigður til hliðar, lítið eitt baksveigður. Blómin með löngu millibili. Bikar bjöllulaga, um 5,5 mm, 5-deildur næstum að grunni, flipar mjó-egglaga til band-egglaga, snubbóttir. Krónan blá, um 1,4 cm, krónupípan um 8 x 4,5 mm, ginleppar í þverfellingum, um 0,3 mm, sléttir. Krónutungan lítið eitt styttri en krónupípan, flipar dálítið útstæðir, breiðegglaga, um 3,5 mm, heilrendir eða bugðóttir, snubbóttir, æðar greinilegar. Fræflar festir neðan við kólfendana, frjóþræðir tungulaga, um 2,5 mm, frjóhnappar bandlaga-aflangir, um 3 mm, dálítið dúhærðir, grunnur gleiður, oddur snubbóttur. Stíll þráðlaga, um 1,5 sm, nær um 3 mm fram úr krónunni, fræni skífulaga. Fræhnotir hvítar, hálfnýrlaga, 4-5 mm, dálítið netæðahrukkóttar, hárlausar.

Uppruni

Kína, Shanxi (Rússland).

Harka

3

Heimildir

= 1,2, www.efloras.org/florataxon.aspx?flora-id=2&taxon-id=200019093,

Fjölgun

Skipting að vori eða hausti, sáning eða græðlingar að vori.

Notkun/nytjar

Sem undirgróður, í blómaengi, í sumarbústaðaland.

Reynsla

Í E3 frá 1995. Ljókkar eftir blómgun og er þá best að klippa hana alveg niður, og kemur hún þá aftur með falleg blöð, sáir sér mikið og því ekki mjög æskileg garðplanta, þarf uppbindingu eða stuðning. Er ekki lengur í Lystigarðinum 2015.

Yrki og undirteg.

Yrkið 'Alba' er með hvít blóm.