Mimulus ringens

Ættkvísl

Nafn

ringens

Íslenskt nafn

Ætt

Grímublómaætt (Scrophulariaceae).

Lífsform

Fjölær jurt.

Kjörlendi

Sól, hálfskuggi.

Blómalitur

Fjólublár, (bleikur eða hvítur).

Blómgunartími

Ágúst-september.

Hæð

- 100 sm

Vaxtarlag

Fjölær jurt, hárlaus. Stönglar allt að 100 sm háir, greinalausir eða greindir ofantil, ferhyrndir eða með mjög mjóa vængi.

Lýsing

Lauf 5-10 sm, lensulaga til mjó-aflöng eða öfuglensulaga, hvassydd eða odddregin, mjókka að grunni eða eru bogadregin við grunninn, legglaus og greipfætt, jaðrar óljóst bogtenntir, minnka eftir því sem ofar dregur, þau efstu næstum bara eins og stoðblöð á sumum eintökum. Blómleggir stakir í efstu blaðöxlunum, beinast út á við, eru uppréttir eða uppsveigðir við fullan þroska, 2-4 sm, engin stoðblöð. Bikar 10-15 mm, flipar stuttir, breið-egglaga til hálfkringlótt við grunninn, mjókka snögglega í hálfbandlaga odd. Króna 25-30 mm, fjólublá, sjaldan bleik eða hvít, ginið mjótt.

Uppruni

N Ameríka.

Harka

3

Heimildir

= 1

Fjölgun

Sáning, skipting.

Notkun/nytjar

Í skrautblómabeð, sem undirgróður.

Reynsla

Hefur verið í Lystigarðinum af og til, oft skammlífur.