Oxytropis alpestris

Ættkvísl

Nafn

alpestris

Íslenskt nafn

Ætt

Ertublómaætt (Fabaceae).

Lífsform

Fjölær jurt.

Kjörlendi

Sól - hálfskuggi.

Blómalitur

Bláleitur.

Blómgunartími

Júlí-ágúst.

Hæð

-10-12 sm

Vaxtarlag

Græn fjölær jurt sem myndar lausar breiður, engir stönglar. Axlablöð himnukennd, samvaxin við grunninn og með lauflegg sem er hálf lengd axlablaðanna eða ögn lengri, með hvít hár, endarnir með langan spjótlaga odd, randhærð. Laufleggir og aðalleggir laufanna með aðlæg, mjúk hár, með stöku útstæð hár. Smálauf 11-12 (20) pör, lensulaga eða öfugegglaga-lensulaga, 10-12 mm löng, með fremur lítið af aðlægum, mjúkum hárum bæði ofan og neðan. Blómskipunarleggir þaktir hvítu, strjálu hári og fínu, aðlægu svörtu hári.

Lýsing

Klasarnir eru stuttir, egglaga eða oddbaugóttir, dálítið lotnir. Stoðblöð band-lensulaga næstum jafnlöng eða ögn styttri en bikarinn, þakin löngu, hvítu hári innan um svörtu hárin. Bikarpípa trekt-bjöllulaga, með hvít og svört aðlæg mjúk hár. bikartennur 1/4 af krónupípunni. Krónan er bláleit. Fáninn 16-18 mm langur, öfugegglaga, meira eða minna framjaðraður. Vængir áberandi styttri en fáninn, ekki skiptir, kjölur jafn langur og vængirnir, oddur kjalarins um 1 mm langur. Belgir aflangir-egglaga, 15-18 mm langir, legglausir,þverstæðir-uppréttir, þaktir svörtu hári blönduðu því hvíta, með 1 skilvegg á brjóstsauminum.

Uppruni

V Síbería (SA Altaifjöll, Sailyugem fjöll) Einlend.

Heimildir

= Flora of Siberia/ Google

Fjölgun

Sáning.

Notkun/nytjar

Í steinhæðir, í beð með fjölærum jurtum.

Reynsla

Ein planta undir þessu nafni er í Lystigarðinum, henni var sáð 2003 og gróðursett í beð 2004.