Penstemon strictiformis

Ættkvísl

Nafn

strictiformis

Íslenskt nafn

Ætt

Grímublómaætt (Scrophulariaceae).

Samheiti

Penstemon strictus subsp. strictiformis (Rydb.) D. D. Keck

Lífsform

Fjölær jurt eða hálfrunni.

Kjörlendi

Sól.

Blómalitur

Fölblár, gráfjólublár.

Blómgunartími

Júní- júlí.

Hæð

20-50(70) sm

Vaxtarlag

P. strictiformis er greindur frá bjöllugrímu (P. strictus) á skeggjuðum gervifræflum, frjóhnapparnir eru minna hærðir og plantan er þéttvaxnari vegna stuttra liða. --Skammlífur fjölæringur, 20-55 sm hár, stönglar uppréttir eða uppsveigðir, 1 eða fáeinir greinast frá trékenndum stöngulstofni, laufið mjúkt. Laufin eru heilrend, grunnlauf og neðri stöngullauf 6-9 sm löng, mjó (öfug)lensulaga, mjókka að grunni, með legg, efri stöngullauf 4-8 sm og 5-17 mm breið, lensulaga, legglaus. Stönglar hárlausir, grunnlauf gagnstæð og með lauflegg, 5-10 sm löng, öfuglensulaga, snubbótt, hárlaus, dálítið bláleit. Stöngullauf legglaus, lensulaga, langydd, 4-8 sm.

Lýsing

Blómskipunin klasi með 4-8 krönsum, skúfurinn 3-5 blóma, sléttur, meira eða minna einhliða. Krónan 25-30 mm löng, útvíkkuð, föl blá, gráfjólublá, slétt innan og utan, líka í góminn. Bikar 6-8 mm langur, bikarblöð lensulaga, langydd eða myndar stundum innsveigða rófu í oddinn, jaðrar þunnir og trosnaðir. Frjóhnappar eru 1,4-2 mm langir, opnast næstum alla leið, en ekki næst samgróningunum, hár á hliðunum, með löng, flækt hár sem er oft lengri en breidd frumunnar, op jaðranna með túttulaga tennur. Gervifræfill útvíkkaðir og oft baksveigður í oddinn, sléttur til lítið hærður. Frjóir fræflar ná oft fram úr gininu.

Uppruni

N Ameríka (Kólóradó).

Heimildir

= apsdev.org/identification/descriptions.php?whichspecies-name=strictiformis, www.thearb.org/plant-detail.php?Plant-ID=2242, www.tropicos.org/Name/29204332, www.wildflowersearch.com/search?&PlantName=Penstemon+strictiformis, flora.kadel.cz/g/kvCard.asp-Id=23823.htm

Fjölgun

Sáning, skipting, græðlingar.

Notkun/nytjar

Í steinhæðir, í beð með fjölærum jurtum.

Reynsla

Í Lystigarðinum er til ein planta undir þessu nafni, sem sáð var til 2010 og gróðursett í beð 2011.