Picea omorica

Ættkvísl

Picea

Nafn

omorica

Íslenskt nafn

Serbíugreni

Ætt

Þallarætt (Pinaceae).

Lífsform

Sígrænt tré.

Kjörlendi

Sól.

Blómalitur

Kk reklar gulir, kvk reklar rauðir.

Blómgunartími

Maí-júní.

Hæð

10-15 m

Vaxtarlag

Tré, sem verður allt að 30 m hátt í heimkynnum sínum. Króna mjó-keilulaga, oft næstum súlulaga. Börkur þunnur, dökkbrúnn með hreistur sem flagnar af með aldrinum.

Lýsing

Greinar fremur stuttar, uppstæðar og með framstæða enda. Ungar greinar ljósbrúnar með þétt kirtilhár. Brum kúlulaga til ydd-egglaga, dökk brún, kvoðulaus. Grunnbrumhlífar langsýllaga. Barrnálar þétt saman, 8-18 mm langar með kjöl beggja vegna, snubbóttar með litla odda, að neðan með 2 breiðar, hvítar loftaugarendur hvor með 5-6 loftaugaröðum, glansandi grænar ofan, án loftaugaraða. Könglar egglaga-aflangir 3 til 6 sm langir, um það bil 1 sm breiðir í fyrstu, fjólublá-purpuralitir, síðar gljáandi kanelbrúnir, oft margir þegar á ungum plöntum. Köngulhreistur með 2 mm breiðan, rauðan reglulega tenntan jaðar, mjög hvelfd. Fræ svartbrún, 2,5-3 mm löng, vængur 8 mm langur.

Uppruni

Bosnía & Serbía.

Harka

Heimildir

= 1,7,9

Fjölgun

Sáning, sumargræðlingar í þokuúðun, vetrargræðlingar.

Notkun/nytjar

Í þyrpingar, sem stakstæð tré, í skjólbelti, í limgerði, í beð.

Reynsla

Í Lystigarðinum er til ein planta sem sáð var til 1995 og gróðursett í beð 2004. Kelur ekkert, þrífst vel.

Yrki og undirteg.

Nokkur yrki í ræktun erlendis eru til dæmis 'Aurea', 'Compacta', 'Nana', 'Nigra', 'Pendula' og fleiri.