Pieris floribunda

Ættkvísl
Pieris
Nafn
floribunda
Íslenskt nafn
Blómsturlyng
Ætt
Lyngætt (Ericaceae).
Samheiti
Andromeda floribunda Pursh. ex Sims.
Lífsform
Runni.
Kjörlendi
Sólríkur vaxtarstaður eða hálfskuggi.
Blómalitur
Hvítur.
Blómgunartími
Maí.
Hæð
Allt að 2 m
Vaxtarlag
Uppréttur runni, allt að 2 m hár.
Lýsing
Börkur grár til grábrúnn. Greinar sívalar eða dálítið kantaðar, með strjála eða þétta dúnhæringu og með stinn, löng hár. Lauf 30-80 × 10-28 sm, stakstæð, oddbaugótt til egglaga, jaðrar sagtenntir og randhærðir, laufin hvassydd í endann, grunnur bogadreginn til breiðfleyglaga, lauf mattgræn ofan, lítið eitt kirtilhærð bæði ofan og neðan. Laufleggur 4-11 mm. Blómin í þéttum, endastæðum skúf, 5-10 sm löngum, blómleggir 2-4,5 mm, þéttdúnhærðir og með strjál kirtilhár, stoðblöð 2-9 mm, forblöð 0,9-2,3 mm, bandlaga til mjó-tígullaga, bikar móhvítur, flipar egglaga. Króna 4-7 × 3-5,5 mm, bikarlaga, hvít. Frjóþræðir 2-3 mm langir. Aldin 4-6 × 4-6 mm, hálfhnöttótt til egglaga með 2 ógreinilega vængi.
Uppruni
SA Bandaríki N-Ameríku.
Harka
5
Heimildir
1, http://www.sunnygardens.com, http://www.backyardgardener.com, http://davesgarden.com
Fjölgun
Fjölgað með fræi eða með sumargræðlingum.
Notkun/nytjar
Í sírök beð undir trjám, í ker og kassa. Þrífst best i súrum jarðvegi, bæði í beðum og kerum, þolir súrari jarðveg en flestar tegundir af lyngættinni. Vökvun í meðallagi, vökvið reglulega, ofvökvið ekki. Hlutar plöntunnar eru eitraðar, ætti ekki að borða.
Reynsla
Plöntunum var sáð í Lystigarðinum 1989 og 1991, þær voru gróðursettar í beð 2001. Vetrarskýling 2001-2007. Yfirleitt ekkert eða lítið kal gegnum árin, blóm af og til. Plönturnar frá 1989 drápust vorið 2010.