Pinus albicaulis

Ættkvísl

Pinus

Nafn

albicaulis

Íslenskt nafn

Klettafura

Ætt

Þallarætt (Pinaceae).

Lífsform

Sígrænn runni eða lítið tré.

Kjörlendi

Sól (hálfskuggi).

Blómalitur

Kk reklar gulir, appelsínugulir, rauðir.

Blómgunartími

Maí-júní.

Hæð

3-10 m

Vaxtarlag

Yfirleitt runni eða tré með lágan stofn, allt að 10 m, sjaldan allt að 20 m hátt, en runnkennd og lágvaxin hátt yfir sjó. Árssportar venjulega mjúkhærðir, rauðbrúnir eða ljósir að lit. Börkur á ungum plöntum hvítleitur, sléttur, greinar mjög útbreiddar. Lík P. flexilis en þekkist frá henni á því að könglar opnast ekki við þroska og hneturnar eru smærri.

Lýsing

Ársprotar rauðgulir til brúnir eða appelsínugulir, sléttir með strjálum hárum. Brum breið-egglaga, ydd, köngulhreistur ekki þéttaðlæg og lang ydd. Barrnálar allt að 5, lifa í u.þ.b. 4-8 ár, 4,5-6 sm langar, stinnar en sveigjanlegar, 1,5 sm breiðar, dökkgrænar heilrendar, stuttyddar, að neðan með 2 djúpar loftaugaraðir, slíðrin detta af á fyrsta ári. Könglar stakir og endastæðir, egglaga, 4-7 sm langir, ungir purpuralitir, verða seinna brúnir með stutt, þykk hreistur, opnast ekki fullþroska. Köngulskildir með hvassyddan þrymil. Fræ stór allt að 12 mm löng, ekki með væng.

Uppruni

Bandaríkin.

Harka

Heimildir

1,7, 9

Fjölgun

Sáning.

Notkun/nytjar

Í þyrpingar, í beð, sem stakstætt tré.

Reynsla

Í Lystigarðinum er til ein planta sem keypt var 1984, gróðursett í beð það ár. Þrífst vel. Lítt reynd hérlendis.

Yrki og undirteg.