Populus tremula

Ættkvísl

Nafn

tremula

Íslenskt nafn

Ætt

Víðiætt (Salicaceae).

Lífsform

Lauffellandi tré.

Kjörlendi

Sól.

Blómgunartími

Síðla vetrar.

Hæð

6-10 m

Vaxtarlag

Tré sem nær allt að 20 m hæð í heimkynnum sínum, krónan breið, mjög greinótt, börkur gulgrár, sléttur, verður sprunginn og dökkgrár með aldrinum, myndar gróðuskot. Brum um 5 mm, egglaga, hárlaus, dökkbrún, kvoðug.

Lýsing

Laufin 3-12 sm, egglaga til hálfkringlótt, ydd, grunnur með 2 kirtla, þverstýfður til hjartalaga, jaðrar bylgjaðar, bogtennt, grágræn ofan, fölgræn neðan. Laufin virðast alltaf vera á hreyfingu. Laufleggir 4-7 sm, grannir, hárlausir, greinilega flatir. Karlreklar 5-8 sm, hreistur þétt hvíthærð, blómin með 6-15 fræfla, frjóhnappar dumbrauðir. Aldin allt að 4 mm, reklar með fræ allt að 12 sm langir.

Uppruni

NV Evrópa til N Afríka, Síbería.

Sjúkdómar

Ryðsveppur stöku sinnum.

Harka

2

Heimildir

1, 10

Fjölgun

Sáning (sáið um leið og fræ þroskast), rótarskot, rótargræðlingar.

Notkun/nytjar

Í skjólbelti, sem stakstætt tré, í þyrpingar, í skógrækt.

Reynsla

Harðgert íslenskt tré, vex oft sem runni. Myndar mikið af rótarskotum. Ekki hentugt garðtré af þeim sökum. Hefur mjög lága hitaþörf - 7,6°C - ætti að þrífast nánast um allt land. Blómgast ekki oft hérlendis en þó er vitað að að aspirnar í Oddeyrargötu á Akureyri hafa blómgast af og til.

Yrki og undirteg.

'Erecta'hefur verið ræktuð hér nokkuð lengi, kelur lítið sem ekkert og lítil vandræði af rótarskotum, 'Pendula' og 'Purpurea' eru yrki sem ræktuð eru erlendis og vert væri að reyna hérlendis.

Útbreiðsla

Vex villt á fáeinum stöðum á landinu, aðallega norðan- og austanlands.