Potentilla villosa

Ættkvísl

Nafn

villosa

Íslenskt nafn

Ætt

Rósaætt (Rosaceae).

Lífsform

Fjölær jurt.

Kjörlendi

Sól.

Blómalitur

Gullgulur.

Blómgunartími

Júlí-september.

Hæð

10-20 sm

Vaxtarlag

Lág- og þéttvaxin planta með þrífingruð lauf.

Lýsing

Þýfður fjölæringur, 10-30 sm hár og um 30 sm breiður. Kröftugir stönglar, sem vaxa upp af greinóttum stöngulstofni. Stönglarnir eru þétt þaktir langæum sinuleifum af dökkbrúnum axlablöðum. Lauf þrífingruð, smálauf leðurkennd, gróftennt, dökk-grágræn og dúnhærð ofan, með grænhvíta lóhæringu og áberandi æðastrengi neðan. Blómin fá, stór, 2-3 sm í þvermál, utanbikarblöð oddbaugótt til egglaga, álíka löng og egglaga-þríhyrnd bikarblöðin eða lengri. Hvert blóm skállaga, með marga fræfla og 5 gullgul krónublöð, sem eru með greinilega sýlingu í endann og appelsínugulan blett við nöglina, þau eru breið-öfughjartalaga, stíllinn næstum toppstæður, breiður við grunninn. Blómin ná rétt upp fyrir laufið.

Uppruni

NV N-Ameríka.

Heimildir

= 23, http://www.perhillplants.co.uk, http://www.wildflower.org

Fjölgun

Skipting, sáning.

Notkun/nytjar

Í steinhæðir, í skrautblómabeð, í kanta. Náttúrulegir vaxtarstaðir eru strandklappir, heimskautatúndra, klettaskorur og skriður.

Reynsla

Í Lystigarðinum eru til tvær plöntur sem sáð var til 1989 og 1999, báðar þrífast vel. Harðgerð hérlendis, ekki mikið ræktuð enn sem komið er.