Primula reidii

Ættkvísl

Nafn

reidii

Íslenskt nafn

Ætt

Maríulykilsætt (Primulaceae).

Lífsform

Fjölær jurt.

Kjörlendi

Sól.

Blómalitur

Hvítur eða beinhvítur.

Blómgunartími

Maí.

Hæð

10-15 sm

Vaxtarlag

Háfjallaplöntur sem eiga víst snjóskýli á heimaslóðum.

Lýsing

Lauf 5-20 x 2-3 sm, aflöng til aflöng-lensulaga, snubbótt eða bogadregin, flipar tenntir til gróf bylgjaðir með löng, margfruma hár, mjókka smám saman að leggnum. Blómstönglar 6-15 sm háir, hárlausir, hvítmélugir ofan til, lengri en laufin með 3-10 (sjaldan aðeins eitt) legglaus blóm. Bikarinn 6-9 mm, breiðbjöllulaga, grænn eða purpura á bláblóma afbrigðum, jaðrar hærðir. Krónan um það bil 2 sm breið, hvít eða beinhvít oft mélug utan. Pípan 9-10 mm, víkkar snöggt í bjöllulaga krónu. Flipar breið-bogadregnir og sýldir.

Uppruni

N Pakistan, V & M Nepal, Indland.

Sjúkdómar

Engir.

Harka

6

Heimildir

= 1,2

Fjölgun

Skipting að hausti, sáning að hausti.

Notkun/nytjar

Í steinhæðir, í kanta, í beð.

Reynsla

Tegundir úr þessari deild þykja fremur erfiðar í ræktun og því hefur reynst erfitt að ná í fræ nema af örfáum tegundum. Hefur verið reynd í garðinum en ekki lifað lengi hverju sinni.Erlendis er tegundin oftast ræktuð í pottum í góðri laufmoldarblöndu, hafðar í sólreit yfir veturinn en færðar út að vori, þurfa reglulega vökvun yfir sumartímann

Yrki og undirteg.

var. williamsii Ludlow. er grófgerðari, stærri en aðaltegund að öllu leyti, blóm yfirleitt fölblá eða blá með hvítt auga. Heimk.: VM Nepal.