Primula sikkimensis

Ættkvísl

Nafn

sikkimensis

Íslenskt nafn

Ætt

Maríulykilsætt (Primulaceae).

Samheiti

P. sikkimensis Hook. f. v. pudibunda (W.W.Sm.) W.W.Sm. & H.R.Fletcher

Lífsform

Fjölær jurt.

Kjörlendi

Sól, hálfskuggi.

Blómalitur

Brennisteinsgulur, rjómagulur eða beinhvítur.

Blómgunartími

Júlí.

Hæð

40-80 sm

Vaxtarlag

Langlífur fjölæringur, meðalstór til kröftugur.

Lýsing

Laufblöð allt að 40 x 7 sm, öfugegglaga til oddbaugótt, bogadregin í oddinn, mjókka að grunni, oft glansandi og hrukkótt, dökkgræn, blaðleggurinn styttri en blaðkan. Blómstönglar allt að 90 sm háir, grænir, rjóma- til gulmélugir ofan til, með 1 eða 2 sveipi, hvor um sig með 20 eða fleiri drúpandi blóm.Blómleggir allt að 10 sm, grannir, mélugir. Bikar allt að 1,2 sm, mjög mélugur, 5-tauga, flipar ögn aftursveigðir. Króna allt að 3 x 3 sm, brennisteinsgul, rjómagul eða sjaldan beinhvít með sætan ilm, pípa nær fram úr bikarnum, flipar heilir eða grunnsýldir. Fræhýði ná ögn fram úr bikarnum (er ögn lengri en bikarinn). Fræ um það bil 2 mm.

Uppruni

Nepal, Indland, SV Kína (Himalajafjöll).

Sjúkdómar

Engir.

Harka

6

Heimildir

= 1,2

Fjölgun

Skipting að vori eða hausti, sáning að hausti.

Notkun/nytjar

Sem undirgróður, í blómaengi, í fjölæringabeð.

Reynsla

Hefur reynst vel í Lystigarðinum.

Yrki og undirteg.

var. pudibunda (Balf. f. & Cooper) W.W. Sm. & Fletcher. Háfjallaafbrigði af aðaltegund. Er minni í heimkynnum sínum með gul, smá blóm en lítt frábrugðin aðaltegund í ræktun. Heimk.: Nepal, Indland, NV Kína. ------------------------ var. hoppeana (Balf. f. & Cooper) W.W. Sm. & Fletcher. Minni að öllu leyti en aðaltegund, blómin hvít eða fölgul, lýsast með aldrinum. Heimk.: Bhutan, Tíbet í 4500-5000 m hæð.