Rosa

Ættkvísl

Rosa

Yrki form

'Thérèse Bugnet'

Höf.

(Bugnet 1950) Kanada.

Íslenskt nafn

Ígulrós, garðarós

Ætt

Rósaætt (Rosaceae).

Samheiti

Rosa 'Therese Bugnet'.

Lífsform

Lauffellandi runni.

Kjörlendi

Sól.

Blómalitur

Dökkbleikur til lillableikur.

Blómgunartími

Ágúst-september.

Hæð

150-180 sm

Vaxtarlag

Foreldrar: R. acicularis x R. x kamtchatica) x (R. amblyotis x R. rugosa 'Plena') x 'Betty Bland'. Lotublómstrandi runnarós frá Kanada. Þetta er ígulrósarblendingur, 150-200 sm hár og um 150(-180) sm breiður. Greinarnar eru kröftugar, bogaformaðar, kanelbrúnar/rauðbrúnar, næstum þyrnalausar.

Lýsing

Plantan er kröftug og blómstrar allt sumarið og fram á haust. Minnir á Hansarósina nema hvað blómin eru bleik. Blómin eru glæsileg, stór, 8-9 sm í þvermál, þéttfyllt, 36(26-40) krónublöð, dökkbleik til lillableik, ilmandi, ilmurinn miðlungi sterkur. Laufið verður fallega brúnrautt að haustinu. Nýpur margar, smáar og skærrauðar að haustinu.

Uppruni

Yrki.

Harka

Heimildir

http://www.aurora.pp.fi/annesgarden/rosa, http://www.elisanet.fi/simolanrosario/a-uudet-sivut/uudet-ruusulistat/rosarugosa.html, http://www.horticlik.com/p/rosa_winnipeg_parks_shrub_-_parkland1.hbml, http://www.mobackes.se/Produktr/rosnyheter.htm, http://www.welt-der-rosen,de/duftrosen/_duftrosen.htm,www.cornhillnursery.com/retail/roses/rosea.htlm#RP, davesgarden.com/guides/pf/go/111/#b, www.rydlingeplantskola.se/vaxter/rosor/rosor-for-det-tuffa-klimatet

Fjölgun

Sumar-, síðsumar- eða vetrargræðlingar, ágræðsla, brumágræðsla.

Notkun/nytjar

Sólríkur vaxtarstaður. Myndar falleg limgerði, er mjög falleg stök, nokkrar saman og með öðrum runnum. Hraust planta, afar þolin gegn sjúkdómum, harðgerð, nægjusöm og auðræktuð.

Reynsla

Rosa 'Thérèse Bugnet' var keypt 1993, Þessi planta vex þokkalega vel og blómstrar. Önnur planta var keypt 1996 og plantað í beð sama ár, flutt í annað beð 2003, vex dálítið, engin blóm 2009. Þriðja plantan var keypt 2007 og plantað í beð, blómstraði 2008, léleg 2009.

Útbreiðsla

AÐRAR UPPLÝSINGAR:Therése Bugnet er bæði að finna sem ágrædda rós og rós á eigin rót.