Rosa

Ættkvísl

Yrki form

'Rotes Meer'

Höf.

(Baum 1984) Þýskaland.

Íslenskt nafn

Ætt

Rósaætt (Rosaceae).

Samheiti

Rosa 'Purple Pavement',

Lífsform

Lauffellandi runni.

Kjörlendi

Sól eða hálfskuggi.

Blómalitur

Djúp purpurarauður.

Blómgunartími

Júlí-september.

Hæð

90-120 sm

Vaxtarhraði

Hraðvaxta.

Vaxtarlag

'Rotes Meer' er ígulrósarblendingur og 20. aldar runni, fremur lágvaxinn, 90-120 sm hár og um 90 sm breiður, mjög fallegur, er lotublómstrandi, góð þekjurós.

Lýsing

Blómin í klösum, djúp-purpurarauð, hálfofkrýnd, 6-8 sm í þvermál, ilma mikið. Ef dauðu blómin eru ekki klippt af yfir sumarið koma skrautlegar, skær skarlatsrauðar nýpur að haustinu. Laufin dæmigerð ígulrósalauf.

Uppruni

Yrki.

Sjúkdómar

Laus við kvilla.

Harka

Z3

Heimildir

http://www.elisanet.fi/simolanrosario/a-uudet-sivut/uudet-ruusulistat/rosarugosa.html, http://www.orionfarm, http://www3.sympaico.ca/galetta/tales/clandscape_pavement.html, http://www.welt-der-rosen,de/duftrosen/_duftrosen.htm,www.cornhillnursery.com/retail/roses/rosea.htlm#RP,davesgarden.com/guides/pf/go/69066/#b

Fjölgun

Sumar-, síðsumar- eða vetrargræðlingar, ágræðsla, brumágræðsla, sveiggræðsla.

Notkun/nytjar

Harðgerður, hraustur, fallegur runni og frostþolinn og laus við sjúkdóma. Þarf litla umhirðu. Mjög saltþolinn. Rósin er notuð stök, í litlar þyrpingar, góð í kanta og lág limgerði, sem þekjurós í litlum þyrpingum eða plantað í ker.

Reynsla

Í Lystigarðinum er til planta af Rosa 'Rotes Meer' frá 1996 sem kelur lítið sem ekkert, þrífst vel er blómviljug og blómstrar mikið árlega t.d. 2009.