Rosa coriifolia

Ættkvísl

Nafn

coriifolia

Íslenskt nafn

Ætt

Rósaætt (Rosaceae).

Samheiti

R. deseglisei Boreau

Lífsform

Lauffellandi runni.

Kjörlendi

Sól.

Blómalitur

Bleikur eða hvítur.

Blómgunartími

Júlí-ágúst.

Hæð

Um 200 sm

Vaxtarlag

Villirós. Þéttgreindur runni með uppréttar eða bogsveigðar greinar um 200 sm langar, með bogna þyrna, sem allir eru jafn langir.

Lýsing

Laufin sumargræn, smálaufin 5-7, aflöng til breiðoddbaugótt, snubbótt, hárlaus ofan, dúnhærð eða að minnsta kosti á æðastrengjunum, jaðrar með einfaldar eða samsettar tennur. Stoðblöð stór. Blómsæti hárlaus. Blóm 1-4, einföld. Bikarblöð með hliðaflipa, hærð eða hárlaus á ytra borði, upprétt eða útstæð og eru lengi föst við nýpuna. Krónublöðin hvít eða bleik. Stílar ekki samvaxnir, fræni ullhærð. Nýpur egglaga til hnöttóttar, rauðar, allt að 2,5 sm, sléttar.

Uppruni

Evrópa, Kákasus.

Harka

H3

Heimildir

2, practicalplants.org/wiki/Rosa-coriifolia.

Fjölgun

Sáning, sumargræðlingar, rótarskot.

Notkun/nytjar

Rosa coriifolia er mjög lík R. dumalis. Sumir grasafræðingar álíta þær sömu tegundina. Aðrir grasafræðingar telja hana afbrigði R. dumalis ssp. boissieri og samkvæmt nafnareglum flokkunarfræðinnar ætti nafn hennar að vera R. dumalis Beshstein ssp. boissieri (Crépin) Nilson v. boissieri.

Reynsla

Skjárósinni var sáð í Lystigarðinum 1982, plantað í beð 1989, kelur lítið sem ekkert, þrífst vel. (2009).