Rosa foetida

Ættkvísl

Nafn

foetida

Íslenskt nafn

Ætt

Rósaætt (Rosaceae).

Samheiti

R. lutea Miller, Rosa eglanteria Mill. non L., Rosa cerea Rössig ex Redouté, Rosa eglanteria Redouté & Thory

Lífsform

Lauffellandi runni.

Kjörlendi

Sól.

Blómalitur

Djúpgulur.

Blómgunartími

Ágúst.

Hæð

100-150 sm (-300 sm)

Vaxtarlag

Uppréttur runni, einblómstrandi. Greinar uppréttar eða bogsveigðar, 100-300 sm, dökkbrúnar í fyrstu, seinna gráleitar með fáeina, beina eða bogna, mislanga þyrna, breikka snögglega neðst, oftast líka með þornhár. Axlablöðin mjög mjó.

Lýsing

Laufin sumargræn, smálauf 5-9, oddbaugótt til öfugegglaga. 1,5-4 sm, snubbótt til næstum ydd. skærgræn, meira eða minna hárlaus á efra borði; daufgræn, dúnhærð og meira eða minna leyti með kirtla á neðra borði, jaðrar með fremur fáar, samsettar kirtiltennur. Engin stoðblöð. Blómstæðin slétt eða með þornhár. Blómin stök eða stundum 2-4, einföld, 5-7,5 sm í þvermál, með óþægilega lykt. Bikarblöðin heilrend eða með fáeina hliðarflipa, lensulaga, breikka í oddinn, hárlaus eða með kirtilþornhár upprétt og langæ. Krónublöðin djúpgul. Frænin hærð. Nýpur hnöttóttar, múrsteinsrauðar, 0,8-1 sm, sléttar eða með þornhár.

Uppruni

SV & V M Asía.

Harka

4

Heimildir

= 1, 2, Bjarnason, Á.H. ritstj. 1996: Stóra garðblómabókin Alfræði garðeigandans Reykjavík, http:/www.welt-der-rosen,de/duftrosen/_duftrosen.htm,davesgarden.com/guides/pf/go/165779/#b

Fjölgun

Sáning, sumar-, síðsumar- eða vetrargræðlingum, ágræðsla, brumágræðsla.

Notkun/nytjar

Í þyrpingar, sem stakstæður runni, í blönduð beð.

Reynsla

Gullrósinni var sáð í Lystigarðinum 1992. Nokkrar plöntur hafa verið á reitasvæðinu. Þær kala allar, mismikið, rétt lifa, vaxa lítið. (2009).

Útbreiðsla

Dökkgul blómliturinn mikilvægur þegar rósin er notuð við kynblöndun rósa.