Salix bebbiana

Ættkvísl

Nafn

bebbiana

Íslenskt nafn

Ætt

Víðiætt (Salicaceae).

Samheiti

S. rostrata. non Thuill. S. livida rostrata. (Richards.)Dipp. S. depressa rostrata. (Richards.)Hiito

Lífsform

Lauffellandi runni.

Kjörlendi

Sól.

Blómgunartími

Apríl-maí.

Hæð

2-5(-7) m

Vaxtarhraði

Hraðvaxta.

Vaxtarlag

Lauffellandi runni, allt að 7 m hár í heimkynnum sínum.Greinar gleiðar, stundum ± brothættar við grunninn, gulbrúnar til rauðbrúnar, ekki eða mjög daufbláleitar, langhærðar eða verða hárlausar, viður sem hefur flagnað er langrákóttur, allt að 25 mm. Ársprotar gulgrænir eða rauðbrúnir, í meðallagi þétthullhærðir til mjög þéttullhærð eða verða hárlausir með aldrinum.

Lýsing

Axlablöð mjög smá eða engin við fyrstu laufin, hvassydd, odddregin eða bogadregin. Laufleggur hvelfdur til flatur á efra borði, 2-5,5-13 mm, dúnhærð á efra borði, stærstu laufblöðkurnar mjó-aflangar, mjó-oddbaugóttar, oddbaugóttar, öfuglensulaga eða öfugegglaga, 20-44-87 x 10-16-45 mm, grunnur fleyglaga eða bogadreginn, jaðrar flatir, heilir, bogtenntir eða óreglulega sagtenntir, kirtlar neðan á jöðrunum, oddur hvass, langyddur eða bogadreginn. Neðra borð bláleitt, meðalþéttdúnhært eða lang-silkihært eða verður hárlaust með aldrinum, hárin hvít eða grá, bylgjuð, með fínlegt, djúplægt æðanet á efra borði, mött til ögn glansandi, í meðallagi þéttdúnhærð, örlítið stutt-silkihærð eða verða hárlaus með aldrinum hárin hvít eða grá. Jaðrar grunnlaufa heilir með kirtildoppur. Ung lauf gulgræn eða rauðleit, langhærð eða lítið eitttil í meðallagi þétt-lóhærð eða langsilkihærð á neðra borði, hárin hvít.Karlreklar koma rétt á undan laufinu, kvenreklar á sama tíma og laufin. Karlreklar kröftugir til kúlulaga, 10-42 x 7-16 mm. Blómskipunarleggir 0,5-11 mm langir. Kvenreklar strjálblóma, kröftugir, grannir eða hálfkúlulaga, 16,5-85 x 9-32 mm, blómskipunarleggir 1-26 mm, stoðblöð blóma gulbrún, 1,2-3,2 mm, oddur bogadreginn, neðra borð hært eða verður hárlaust með aldrinum, hárin bein eða bylgjuð. Hunangskirtill karlblóma aflangur eða egglaga, 0,3-0,8 mm, frjóþræðir ekki samvaxnir eða samvaxnir næstum hálfa lengdina, hárlausir eða hærðir á neðsta 1/2 hlutanum. Fræflar gulir eða purpuralitir en verða gulir, oddvala eða stutt-sívalir, 0,5-0,8 mm langir.Hunangskirtill kvenblóma aflangur eða ferkantaður, 0,3-0,8 mm, eggleg öfugkylfulaga, trjóna ögn útblásin neðan við stílinn (stíllinn með langa trjónu), eggbú 6-16 í hverju egglegi. Stíll 0,1-0,4 mm, fræni mjó- eða breið-sívalar. Fræhýði 5-9 mm löng.Ɛ

Uppruni

Nýfundnaland til Alaska, suður til Kaliforníu.

Harka

3.Jul

Heimildir

= www.efloras.org/florataxon.aspx?flora-id=1&taxon-id=242445657, www.pfaf.org/user/plant.aspx?LatinName=Salix+bebbiana,

Fjölgun

Sumar- og vetrargræðlingar. Fræi sáð um leið og það er þroskað.

Notkun/nytjar

Í þyrpingar, sem stakstæður runni, í beð.

Reynsla

Nokkur eintök til úr Alaskasöfnun 1985. Yfirleitt nokkuð miskalin (K:0-3.5). Í Lystigarðinum er til ein planta frá 1980 undir samnefninu S. xerophila Flod., kelur lítið eða ekkert. Miðað við útbeiðslusvæði ætti að vera leikur einn að finna staðbrigði sem hentaði hérlendis.