Salix phylicifolia

Ættkvísl

Nafn

phylicifolia

Íslenskt nafn

Ætt

Víðiætt (Salicaceae).

Lífsform

Lauffellandi runni.

Kjörlendi

Sól.

Blómalitur

Frjóhnappar gulir, verða rauðleitir.

Blómgunartími

Maí-júní.

Hæð

1-3 m

Vaxtarlag

Uppréttur, lauffellandi runni, yfirleitt ekki meira en 1-2 m hár. Ársprotar stuttir, aðeins hærðir í fyrstu, verða seinna gulbrúnir og glansandi.

Lýsing

Lauf þykk, oddbaugótt-öfugegglaga til lensulaga, 3-5(-8) sm löng, ydd, heilrend til bogsagtennt, grunnur fleyglaga til bogadreginn, skærgræn ofan og gljáandi, neðan blágræn til grágræn, hárlaus, laufleggur um 1 sm langur. Axlablöð hálf-hjartalaga. Reklar koma á undan laufinu eða um leið og það, karlreklar allt að 2,5 sm langir, kvenreklar 6 sm langir þegar þeir eru fullþroskaðir. Fræflar 2, frjóþræðir hárlausir, frjóhnappar gulir, verða seinna rauðleitir. Fullþroskað hýði egg-keilulaga, hærðir.

Uppruni

Evrópa til NA Asía.

Heimildir

= 1, 7

Fjölgun

Sumargræðlingar, sáning.

Notkun/nytjar

Í limgerði, í raðir, í þyrpingar.

Reynsla

Í Lystigarðinum eru til gamlar plöntur sem þrífast vel, kala ekkert, enda íslenskar. Einnig er til planta undir nafninu S. phylicifolia 'Glitvíðir', falleg planta sem kelur mjög lítið svo og S. phylicifolia 'Strandir', planta sem er komin úr gróðrarstöð kelur lítið sem ekkert.