Saxifraga hostii

Ættkvísl

Nafn

hostii

Íslenskt nafn

Ætt

Steinbrjótsætt (Saxifragaceae).

Lífsform

Fjölær jurt, sígræn.

Kjörlendi

Sól.

Blómalitur

Hvítur með purpuralitar doppur.

Blómgunartími

Júlí-ágúst.

Hæð

25-50 sm

Vaxtarlag

Sígræn, blaðhvirfingar 6-18 sm í þvermál, myndar gisnar breiður. Lauf 3-10 x 0,4-1 sm, aflöng til breiðbandlaga, ögn breiðari í oddinn, yfirleitt snubbótt, meira og minna bláleit, blaðendar aftursveigðir, jaðrar fíntenntir með kalkkirtla (í holum) á efra borði tannanna, kalkútfellingar áberandi, með nokkur kögurhár neðst við grunninn.

Lýsing

Blómstönglar 25-50 sm langir, kirtilhærðir ofan til, greinóttir ofan miðju og mynda skúf eða puntlíka blómskipun, með 5-12 blóm. Krónublöð 4-8 mm, oddbaugótt, hvít oft með purpuralitar doppur.

Uppruni

A Alpafjöll.

Harka

6

Heimildir

1,2

Fjölgun

Skipting, sáning.

Notkun/nytjar

Í steinhæðir, í beð.

Reynsla

Harðgerð planta sem þrífst vel í garðinum. Í F1-F13 frá 1995, þrífst þar með ágætum.Undirtegundin ssp. rhaetica (Kern.) Braun.-Blanquet. er í J5 frá 1991, bráðfalleg og auðræktuð.

Yrki og undirteg.

ssp. rhaetica (Kern.) Braun.-Blanquet. Grunnlauf allt að 5 x 0,7 sm, mjókka fram í odd, tennur á blaðjöðrum ógreinilegar. Aðalstöngull skúfsins með 3-5 blóm. Heimk.: N Ítalía (2).