Sorbus esserteauana

Ættkvísl

Nafn

esserteauana

Íslenskt nafn

Ætt

Rósaætt (Rosaceae).

Lífsform

Lauffellandi runni eða lítið tré.

Kjörlendi

Sól.

Blómalitur

Hvítur.

Blómgunartími

Júní.

Hæð

5-8(-12) m

Vaxtarlag

Lítið, margstofna tré, allt að 12(-14) m hátt. Árssprotar kröftugir (5-6 mm), stinnir, gráir, dúnhærðir í fyrstu. Brum eggvala-hnöttótt, rauðleit, allt að 12 mm, þétt þakin hvítu silkihári. Axlablöðin stór, allt að 12 x 22 mm, með lauf, langæ, einkum í blómskipuninni.

Lýsing

Laufin allt að 26 sm með 5-6 smáblaðapörum. Smáblöðin 75-90 x 20-35 mm, egg-lensulaga, tennt nær því að grunni, odddregin, bogadregin við grunninn og samhverf, blaðkan leðurkennd, gljáandi og með grópaða æðastrengi á efra borði, hvít dúnhærð og nöbbótt á neðra borði. Blómskipunin stór hálfsveipur. Blómin um 10 mm í þvermál, blómin hvít. Aldin appelsínugul-rautt eða gult, smá, allt að 6,75-9 mm í þvermál en yfirleitt minni, alltaf breiðari en þau eru löng, hörð, þroskast seint (oft í nóvemberlok erlendis). Bikarblöð kjötkennd en aðeins við grunninn. Frævur 4-5, hálf-undirsætnar, lausar hvor frá annarri í toppinn og þétt hvíthærðar. Stílar 1,75 mm, ekki samvaxnir. Fræ gul-græn, allt að 3,5 x 2,5 mm, allt að 4 í hverju aldini. Ekki mjög breytileg tegund. 2n=34.

Uppruni

Kína, (vestur Sichuan).

Heimildir

15, www. efloras.org/florataxon.aspx?flora_id=2&taxon_id=200011675

Fjölgun

Sáning, sumargræðlingar.

Notkun/nytjar

Í skrautbeð, hugsanlega í raðir. Vex til fjalla í klettum í 1700-300 m h.y.s.

Reynsla

Planta LA 921304 er í uppeldi 2 eintök (aucuparia section) í R02 A 2007. Kom sem nr. 345 frá Trondheim HBU Ringve 1991.

Yrki og undirteg.

S. esserteauana 'Fructo-lutea' með gul ber.