Spiraea humilis

Ættkvísl

Spiraea

Nafn

humilis

Íslenskt nafn

Lágkvistur

Ætt

Rósaætt (Rosaceae).

Lífsform

Lauffellandi runni.

Kjörlendi

Sól.

Blómalitur

Ljósbleikur.

Blómgunartími

Ágúst-september.

Hæð

80-90 sm

Vaxtarlag

Lauffellandi, lágvaxinn runni, 25-50 sm hár, fremur þéttvaxinn, ungir sprotar þétt þaktir þéttri, rauðleitri hæringu. Breiðist út með rótarskotum.

Lýsing

Laufin 25-65 × 10-33 mm, oddbaugótt, sjaldan egglaga, fremur breið, 1,5-3 × lengri en þau eru breið, grunnur fleyglaga, sjaldan bogadreginn. Blaðkan ydd, hárlaus ofan með silkihár á æðastrengjum á neðra borði, oft sagtennt, oftast með aðeins eina, staka tönn í toppinn/endann, sjaldan eru tennur neðst á blöðkunni. Neðri laufin á sprotunum eru stundum heilrend, laufleggir 2-4 mm langir, með ryðlitan hárflóka, blómin ljósbleik, blómskipunin þétt, breið, egglaga til pýramídalaga, þ. e. egglaga klasar, 25-100 × 20-65 mm. Blómskipunarleggir og blóm með ryðlita hæringu, blómleggir 1,5-3 mm, bikarblöð þríhyrnd, ydd, fræflar miklu lengri en krónublöðin.&

Uppruni

Austur-Síbería, Asía (Ussuri, Sakhalin).

Heimildir

http://database.dendrologie.cz, http://www.mzp.cz

Fjölgun

Sumargræðlingar, rótarskot, sáning.

Notkun/nytjar

Í þyrpingar, í raðir, framan til í trjábeðum. Lágkvisturinn er náskyldur víðikvist (S. salicifolia), en frábrugðinn honum að því leyti að hann er lávaxnari, með breið-pýramídalaga blómskipun, styttri lauf og ryðlita hæringu. Blómviljugur. Frostþolinn. ε

Reynsla

Í Lystigarðinum eru til 3 gamlir runnar sem þrífast vel og blómstra árlega og plöntur sem sáð var til 1990 og 1992, sem þrífast jafn vel og þær gömlu.

Útbreiðsla

AÐRAR UPPLÝSINGAR:Lágkvisturinn var líklega ekki fluttur til ræktunar í görðum, þótt hann sé líklega eini lágvaxni kvisturinn sem hentar á votlenda staði. Hann er ræktaður í nokkrum grasagörðum í gömlu Sovétríkjunum og þaðan hefur hann dreifst með fræskiptakerfinu til annarra landa.